昨日，本人非常之咁乖，重鬼死咁勤力，響豎係噉篤、係噉篤........一心諗住嗱嗱聲出番篇似樣啲嘅文
，唻充撐吓呢個日暮途窮嘅波嘅。當然，我所謂似樣啲嘅文，喺各位才子、才女眼中，都絕對係唔會似樣架啦！張就吓啦~唔該~~
唉~點知始終都係力薄才疏，篤唻篤去，都係得嗰啲咁多字。
想話又出番上、中、下篇嗰槓嘢啦，不過又好似唔多老泥噉！成鬼日都爛尾吖！所以呢，呢舖決定一炮過！篤唔晒就寧願唔出罷就！無謂再揼大家波鐘嘞！出得唻寫波，點可以鑊鑊都咁冇手尾；咁唔爭氣架？！！雖然你哋唔好意思兜口兜面話我啫，查實我都知自已係幾咁冇厘搭霎架喇！
嗱！文就正在制作中架嘞！既然未有得睇住，就睇住告白先啦~~
即將推出：
波壇鐵嘴雞>>>>>>>王老三
獨沽一味撚手小菜:後現代無文化出口傷人市井文學巨著********難為了家嫂
內容簡介：
文章乃係取材自真人真事，真家嫂、真奶奶、真三姑。
噉到底邊個奶奶咁冇天裝，陰陰濕濕，一味靠恰呢？
又邊隻家嫂點樣難為法？點樣俾人恰到一戙都冇呢？
而三姑呢趟又出啲乜嘢符fit，點樣教導呢位家嫂，番去橫紋刀劈扭紋柴呢？
敬請密切留意貼文日期
本波時時恭候，歡迎隨時入，不過就咩都冇得食！但係人情大家可以照做，本姑一律大小通殺！
