真相 (Silly Wong's diary)

真相

sillywong | 24th Aug 2007 | 講東講西 | (935 Reads)

好嘞！炮仗燒完、神又拜過、pop又吞到悶晒！嘅然重有人咁俾面肯唻呢豎hea，噉我都重唔寫？！！重算係人唻咩？！！

開波啦喂~~ q(^口^)p

請咗咁耐假，大家都應該心照係因乜解究架啦~~ 冇錯！我的確係發脾四唔鬼啋你哋！點解？！！哼！重好意思問點解？！！

重記得冇呀？我臨出門之前，係點交帶你班友仔架？一個二個，扮時運高，睇唔到、聽唔見吓嘩？！！

平時又話幾咁鐘意我、幾咁愛我、幾咁唔捨得我又盛！全部都車大炮嘅！若然唔係，點解我早嗰排咁淒涼、咁陰功！聲淚俱下噉，一心諗住呃........唔係！唔係！係一心諗住籌五皮嘢唻做吓善事、積吓陰德噉唧~你哋都唔肯幫拖得咁絕情吖？

做人嘅嘢，應該要飲水思源至好！話晒我呀三響呢豎，冇功都有勞吖~曾幾何時，為咗搏大家一笑，不知捱盡幾多眼瞓、崩咗幾多隻名貴水晶甲，噉唻係噉響豎篤篤篤篤篤！我咁含辛茹苦，係為咗邊個？你哋自已話啦！係為咗邊個？！！

家陣屎只不過係區區嗰幾皮嘢唧~你哋最多咪每人捐嗰二、三、五、七百！好多咩？！！都唔夠吔餐阿七鮑魚吖！算囉~都係我自已講得啱，自古波場無真愛！總知就心淡喺啦！

不過噉，我份人呢~~一嘍都好大方吓嘅，若然你哋可以將老娘監生谷上去排行榜，坐吓頭位嘅話呢，噉我就麻麻哋原諒你哋呢一趟啦！

使乜講？！！我梗係貪慕虛榮啦！唔係咩呀？！！哇哈哈哈哈........ ^口^

留言(22) | 引用(0) | 話題(隨意寫)

[1]

錢銀方面幫你唔到喇,排行榜就等我幫下你:p

[引用] | 作者 no reason | 24th Aug 2007 | [舉報垃圾留言]

[2] Re: 冇解

no reason :
錢銀方面幫你唔到喇,排行榜就等我幫下你:p

噉你好嗱嗱聲嗌晒你啲姨媽姑姐一齊睇喇！^皿^

[引用] | 作者三姑 | 24th Aug 2007 | [舉報垃圾留言]

[3]

支持樓主，我頂

[引用] | 作者 kaka | 24th Aug 2007 | [舉報垃圾留言]

[4] Re: kaka

kaka : 支持樓主，我頂

多謝你個頂！

[引用] | 作者三姑 | 24th Aug 2007 | [舉報垃圾留言]

[5]

頂一隻水晶甲! emoticon

[引用] | 作者金婆婆 | 25th Aug 2007 | [舉報垃圾留言]

[6]

三姑咁多粉絲，五皮野除開，每人真係幾毛錢，可能就係太過濕碎，大家就忘記左。
只要三姑肯日寫夜寫，咪話鮮奶排名，全球排名都掂。

[引用] | 作者亞占 | 25th Aug 2007 | [舉報垃圾留言]

[7]

"重光了"o岩你多過我添~ :p

[引用] | 作者 sidekick | 25th Aug 2007 | [舉報垃圾留言]

[8]

吾使特登去谷啦...你一出黎吾使幾耐就上到架啦~~~

[引用] | 作者小心 | 25th Aug 2007 | [舉報垃圾留言]

[9] Re: 呀金

金婆婆 :
頂一隻水晶甲!

好！就留番一隻過你頂啦！ ^口^

[引用] | 作者三姑 | 25th Aug 2007 | [舉報垃圾留言]

[10] Re: 占

亞占 :
三姑咁多粉絲，五皮野除開，每人真係幾毛錢，可能就係太過濕碎，大家就忘記左。只要三姑肯日寫夜寫，咪話鮮奶排名，全球排名都掂。

呀占~一早叫你講o野咪咁浮誇架啦！全球？！！你唔係諗住o的番鬼佬曉睇中文o下嘩？！！基本上，我寫o個o的o野，只要唔係香港佗地o既話，已經唔使指意睇得明啦~ ^皿^

[引用] | 作者三姑 | 25th Aug 2007 | [舉報垃圾留言]

[11] Re: sidekick

sidekick :
"重光了"o岩你多過我添~ :p

哈哈哈哈~真係又會咁蕎都有o既？！！ ^皿^

[引用] | 作者三姑 | 25th Aug 2007 | [舉報垃圾留言]

[12] Re: 小心

小心 :
吾使特登去谷啦...你一出黎吾使幾耐就上到架啦~~~

上到有鬼用咩？！！我要起碼都騎住葉一知o個隻喎！ ^皿^

[引用] | 作者三姑 | 25th Aug 2007 | [舉報垃圾留言]

[13]

錢銀之嘛, 少事啦, 明天七月十四, 我順便過筆數俾你又點話.., 五億夠唔夠? jhahah

[引用] | 作者葉一知 | 25th Aug 2007 | [舉報垃圾留言]

[14]

你真係市僧呀！膝頭對上就係俾！哈哈...記得貪字得個貧，最多俾你整一大堆 google 廣告，或者幾年後你會成為大富婆。

講$失感情呀！你明架啦！大家都係香港人~ 哈！

[引用] | 作者艾力 | 25th Aug 2007 | [舉報垃圾留言]

[15] Re: 葉一知

葉一知 :
錢銀之嘛, 少事啦, 明天七月十四, 我順便過筆數俾你又點話.., 五億夠唔夠? jhahah

五億？！！紅血球o丫？！！挑！ ^皿^

[引用] | 作者三姑 | 25th Aug 2007 | [舉報垃圾留言]

[16] Re: 艾力

艾力 :
你真係市僧呀！膝頭對上就係俾！哈哈...記得貪字得個貧，最多俾你整一大堆 google 廣告，或者幾年後你會成為大富婆。
講$失感情呀！你明架啦！大家都係香港人~ 哈！

我就係明！既然大家咁熟，你應該好了解我份人架啦！最憎講感情；最歡喜講錢！咁清高替死咩？！！哈哈~ ^皿^

[引用] | 作者三姑 | 25th Aug 2007 | [舉報垃圾留言]

[17]

咁三姑唔好整水晶甲啦..留番畀我整啦..我度冇你處咁受歡迎..唔駛成日打字..唔會打崩指甲 :p

[引用] | 作者 JC | 25th Aug 2007 | [舉報垃圾留言]

[18] Re: JC

JC :
咁三姑唔好整水晶甲啦..留番畀我整啦..我度冇你處咁受歡迎..唔駛成日打字..唔會打崩指甲 :p

唉~你估家陣屎重係舊屎咩~~o的舊老細都走得七七八八囉！睇怕都冇咁易崩lu o卦？！！ ^皿^

[引用] | 作者三姑 | 26th Aug 2007 | [舉報垃圾留言]

[19]

即係咁... 其實小弟係個無謂人.
無意中來到此處, 看後就欲罷不能. 小弟實在對三姑大大五體投地.
可惜小弟係新人, 看之時已經係大大既潛水期, 未能留下片言隻字參與, 實在相逢恨晚.
但小弟依然相信大大有日會歸來, 所以周不時來看看. 終於等到了... 嗚嗚...很感動... 可以借個衫袖小弟抹抹鼻涕嗎?
希望三姑大大唔會Pang我出街...

[引用] | 作者光頭cal. | 27th Aug 2007 | [舉報垃圾留言]

[20] Re: 光頭cal.

光頭cal. :
即係咁... 其實小弟係個無謂人.無意中來到此處, 看後就欲罷不能. 小弟實在對三姑大大五體投地.可惜小弟係新人, 看之時已經係大大既潛水期, 未能留下片言隻字參與, 實在相逢恨晚.但小弟依然相信大大有日會歸來, 所以周不時來看看. 終於等到了... 嗚嗚...很感動... 可以借個衫袖小弟抹抹鼻涕嗎?希望三姑大大唔會Pang我出街...

唔好意思，衫袖就冇得借嘞！事關家陣著緊嗰件嘢叫背心。地布就有條，啱咪拎去使囉！我唔拘架！^口^

點會係無謂人呀？！！求其響呢豎搭過嗲嘅，以後都係自已人架喇！得閒記住番唻飲湯喇！^皿^

[引用] | 作者三姑 | 27th Aug 2007 | [舉報垃圾留言]

[21]

妳一浦頭就大把舊老細番嚟啦﹗包括我﹗雖然我係後知後覺咗一啲﹗老啦嘛﹗呵呵﹗

至於話最少騎住一知就話都無咁易啦﹗佢無做大佬好耐啦﹗一於趁佢病攞佢命﹗踢走佢﹗哈哈﹗

[引用] | 作者靚媽靚靚 | 16th Sep 2007 | [舉報垃圾留言]

[22] Re: 靚媽靚靚

靚媽靚靚 :
妳一浦頭就大把舊老細番嚟啦﹗包括我﹗雖然我係後知後覺咗一啲﹗老啦嘛﹗呵呵﹗
至於話最少騎住一知就話都無咁易啦﹗佢無做大佬好耐啦﹗一於趁佢病攞佢命﹗踢走佢﹗哈哈﹗

吓？！！乜老葉有大佬都唔做咁早收山吖？！！ ^口^

[引用] | 作者三姑 | 16th Sep 2007 | [舉報垃圾留言]