MySinaBlog三週年連環踢

哈~~勢估唔到，落晒閘、放晒狗噉，都會俾人踢得中咕喎？！！
既然唔中都俾人鑑生踢中左咯！噉.............
Kennes:妳到底諗住幾時至捨得接我過門呀？？

1. 你寫blog有多久？ 最初為什麼會有開始寫blog的念頭？

     處女波文就係貼於15/9/2005嘅~~
     不過呢~~~查實就係早一兩個月之前，都已經想話學人寫下文；貼下架嘞~不過呢，大家都知架啦~~
     本人乃係一名電腦白癡專家唻架嘛~~所以搞搞下，卒之都要搞到九月至上得市囉！哈哈~~咁快趣已經舞得掂！好架勢架喇！
     重想曉飛咩？！！
     
     咪就係見人地寫得咁過癮，所以自已又想過癮埋一份囉~~~ 係噉之嘛~~~~
    
2. 寫blog至今，最難忘的事是什麼？

    重使問？！！咪就係寫到有得貼堂囉！大早已經寫左篇野唻紀念啦~~唔該你地自已摷番唻睇嘞！篇嘢叫《光宗耀祖》呀~
    係呀~~噉樣已經覺得好難忘、好巴閉架啦！係冇乜大志架咋！吹咩？！！  ^皿^

3. 你覺得寫blog最重要的元素是什麼？

    就係有人睇、有人讚、有人鐘意！最好就寫到有人偷偷地愛上我添！哈哈哈哈哈~
    若然冇人睇喎~真係寫唻替死咩？！！唔好攤響梳化捽腳趾？！！

4. 請用一個詞語 / 東西形容你的blog。為什麼會有這樣的想法？

  “又要姣；又怕痛”
    之唔係：又想人睇、又想人讚又盛！不過又唔多願寫噉囉~~~對於我唻講，打文真係會攰死人架~~ 嗱！話口未完啫！又試打鬼崩咗隻指甲嘞！！
    “九唔搭八”
     唔使解過你聽喇啩？？睇我寫嘢就知啦嘩~~~ ^o^ 呵呵呵呵

5. blog在你的生活中擔當著什麼角色？

    都屬於可有可無。
    冇辦法啦~~蘿蔔咁花心架我~~~~~  乜鬼都係玩兩野就厭！er..........除左男人唔係囉~~ 男人可以玩夠三野至厭！嘩哈哈哈~ ^口^

6. 你覺得自己和MySinaBlog的blogger們有著怎樣的關係？

     嘩~~呢題係咪陰老娘架？？我同D blogger邊有D咩關系吖~~~冇！蛇咬都唔認有呀！ 
     實請（情）就有D blog到變左老友；有D就blog極都好唔老友噉囉~~係呀！講咗的確係同冇講一樣架！咦？？乜你都睇得出咩？！！

最後，要傳給3至5個人。
乜咁麻煩架？！！
嗱！踢邊個就寫響呢豎算嘞！有緣既，就自然會知俾老娘踢中！冇緣既........都話明冇緣啦！,噉我又唔係月姥！邊有辦法啫？！！

譚劍
占
野蟹
 
全部都係麻甩佬！我至歡喜~~~  ^口^