各位老友：
有時間o既話，不妨買張飛奉o下李龍先生場o丫~
此君能文能武，唱做俱佳。包冇介紹錯架~
唉喲~撗掂都係咯！唔差在話埋俾大家知..........我查實呢.....暗戀o左佢好耐架喇！
大家重係街坊街里添！我周不時落街都會撞到佢架！不過唔知點解？？一見到佢我就會嚇到即刻耷低頭，冇鞋挽屐架喇！哈哈哈哈哈~ ^口^
昨日，本人非常之咁乖，重鬼死咁勤力，響豎係噉篤、係噉篤........一心諗住嗱嗱聲出番篇似樣啲嘅文
，唻充撐吓呢個日暮途窮嘅波嘅。當然，我所謂似樣啲嘅文，喺各位才子、才女眼中，都絕對係唔會似樣架啦！張就吓啦~唔該~~
唉~點知始終都係力薄才疏，篤唻篤去，都係得嗰啲咁多字。
想話又出番上、中、下篇嗰槓嘢啦，不過又好似唔多老泥噉！成鬼日都爛尾吖！所以呢，呢舖決定一炮過！篤唔晒就寧願唔出罷就！無謂再揼大家波鐘嘞！出得唻寫波，點可以鑊鑊都咁冇手尾；咁唔爭氣架？！！雖然你哋唔好意思兜口兜面話我啫，查實我都知自已係幾咁冇厘搭霎架喇！
嗱！文就正在制作中架嘞！既然未有得睇住，就睇住告白先啦~~
各位親愛的看官：
玆因家中愛犬病入膏肓，行將入木，本姑終日以淚洗臉，實無心戀戰波壇矣！
待來日雌風重振，定必從出江湖，再次在此興風作浪，亂噏無謂。
珍重
薄命人留字 T◇T
AAAAAAAA咪行住！>口<
啫係呢……如果各位真係掛得我好緊要嘅話
……唔……一係噉啦！每人損五舊水落去我個《三姑安慰基金》戶口啦！我響豎話過：只要一夠五皮嘢！無論幾傷心、幾難過！我都即刻喊住唻寫，重保証會寫得同以前一樣咁九唔搭八添！
吓？唔好去搶？！噉如果你哋肯損嘅，我就梗係唔使去搶啦~你估家吓絲襪平咩？！！啋我都傻？！！唉！所以話呢：自古波場無真愛！線把啦~~我都睇到化！
你哋話死唔死吖？！！到咗呢個斷腸時候，我重響豎懶幽默噉同大家開玩笑！唉……真係冇血性……
後會有期
薄命人又再留字
(閱讀全文)撞鬼囉！
原來對上嗰篇【羞家】已經係喺六月寫咕lu喎！唔知大家重記唔記得係講啲乜家伙嘅呢？
冇~~我想話睇吓可唔可以則則膊唔多覺噉，唔使繼續寫啫~~事關我自已都已經唔鬼記得晒寫過啲乜？！！你知啦~都隔咗咁鬼耐~洩咗度氣呀嘛！連“348”都執鬼埋咯！重“蛇乜鬼嘢腰火玫瑰吖”~~真係有啲老鼠拉龜，冇掟埋手嘅感覺添！！
哈哈！
哎吔~~算把喇！反正成個故仔，除咗“羞家”呢兩隻字係堅嘅之外，其他嘢都係老作嘅！（嗱，唔好話我知真係有人咁笨實，走去旺角搵呀《旺角蛇腰火玫瑰》呀吓，黐孖筋o架？！！哈哈哈哈！XDDDD）是鬼旦啦~~第三集，去片！！！>O<
潛咗水咁耐，估唔到大家依然冇忘記到我呢條茂利。
嗚哇！！！
好鬼死感動呀！！！
係真o架！若然講親大話嘅話，就保佑我生仔冇屎窟！生女就有兩個屎窟！！
嗱~連啲咁毒嘅誓我都發得出，就知我真係好感動啦！話時話，我真係一路打一路起雞皮o架~
如果唔係全靠呀譚劍篇『特別新聞報導--三姑下落』，我都唔知原來大家重對本人嘅死活咁有興趣！
好喇!!喺度講多次：
(勁大聲)>O<各位：我重未死呀！！依家重生勾勾噉喺度食緊薯片，飲緊可樂，打緊近況。講到話玩潛水呢家嘢lu喎……er……就唧係噉，一來，因為部衰電腦久唔久就同我扭屎窟花，分分鐘都會斷線，勁煩！二來，呢排天口“慶”呀！冇心機冇盛，咪嗦性匿埋算鬼數囉~~都係嗰句喇，寫波嘅嘢，冇糧出o架嘛！如果唔係為咗你哋咁捧場呀，我使乜好似依家咁辛苦，一隻手扶住條線，一隻手（指）喺度篤呀？！！喂！唔好忘記我重要用緊隻手唻攞薯片食o架嘛~搞到咁“呢hea”，你哋話有乜為嘞？！！呢~~咪為你哋囉！算係噉喇啩？！
話時話，你哋啲留言，我全部當係寶o架，冚辦爛睇晒！請大家繼續留言俾我，千其唔好咁孤寒，不過講到覆lu喎……唉！我盡量啦，事關真係好鬼論盡！我依家都已經就死得咁滯囉~~陰公！
Bye Bye~
茂利：唔該~我想電髮呀！^o^
中坑：無問題！呢位老細請坐！
茂利：聽講你呢度二佰蚊全包咕喎！hea？
中坑：係、係、係！放心，包唔會屈你俾貼士嘅~定喎！不過一陣整得你鬼火咁靚，你就自然會俾架啦！哈哈哈！
茂利：得我歡心就梗有貼士啦！嗱，你千其咪俾支舊藥水我吖~
中坑：得、得、得！唔使慌喎！
茂利：實不相瞞，過兩日我有個好重要嘅聚會呀！所以呢舖要有咁潮得咁潮，嗱，呢趟靠你喇~嗱嗱聲幫我電番個“無敵潮爆情場鬼見愁”Look！Ok？
中坑：你孖我定！呢隻look我至耍家啦~~坐穩呀，老細！^O^
(閱讀全文)致各位老細：
由於呢幾日唔知整乜鬼，情緒異常低落，連最鐘意食嘅咖哩魚蛋都只係可以一口氣連隊六串。（星期一晚真係買左八串番唻食架，點知食左六串已經鯁唔落嘞！
）平時明明可以 一日笑到黑架嘛！呢幾日最多都係笑左大半日啫！（應該連瞓教都會笑醒架嘛！呢幾日居然無喎？！！>o<）所以實在係無心機打文章，成日要你地摸門釘真係唔好意思。歉甚！歉甚！
為左可以快d回魂，我決定要上天山，採雪蓮。
各位等我呀！唔好咁快變心唔搔我三姑呀！
(話時話，吞pop咪吞pop囉！可？講咁多廢話！！哈哈哈哈！XD)
各位掌門請注意：由於今次武林大會參賽人士眾多，有早唻、遲唻；有早撇、遲撇。為免到時產生混亂，係呢度我三姑一於先小人就後君子喇！麻煩咁多位係入場嘅時候，先擺底公價人情$250過我先！大戰過後，再多除少補。吓？咁即係信你地唔過？超！！講明就噚喇！自已老豆我 都唔信呀！信你？哼！XD（就係你班茂利唱到忘晒形嘅時候，我重唔契弟走得麼咩！嘩哈哈哈哈哈！我呢次重唔發？！！
）
有關於第二屆新浪武林大會嘅時間、地點，經過連日唻嘅投票，結果已經有嘞！登登登....無錯就係眾望所歸嘅Neway CEO嘞！請鼓掌！
各位今次真係有福嘞，事關有位俠女呀Van突然無條件地出手相助，依家起碼都有八五折，可能唔止架！只要到時有人肯犧牲吓色相呢啲噉嘅濕碎野，分分鐘又食又拎添呀！哈哈哈哈！（犧牲色相可以有更多著數呢d野，純粹係我三姑自已估架啫，絕對與呀Van無關嘅，ok？>v<）
Neway ceo座落於銅鑼灣糖街2-8號地下，電話：21379777
當日由17:30開始入場，係用我“三姑”個大寶號留房嘅。
本來就想用email唻通知大家嘅，但係就有人唔生性，到依家都未留低個電郵地址俾人呀！我見橫掂都係咯，咪索性貼出唻公告天下算鬼數囉！嗱，唔該咁多位少爺、小姐，到時千其咪放飛機呀！多謝合作。
想睇清楚參賽者名單嘅，就click一click《呢度》喇！
10/3 23:30更新。
早兩日先俾小魚監生伸左一腳，都未趕得切還拖，今日又俾Bee整多一野！嘩！內傷喇！！好鬼痛呀！！噫~~都無d憐香惜玉嘅！好衰架！！>O<
都好，噉就依家一次過搞掂呢兩條爛賬喇！
弊家伙！唔係好識點用d乜鬼野「連結」、「引用」添！即管試吓喇！
遊戲規則 (以下請copy)
1. 請先發文，寫出六項您認為的『部落格有啥了不起？』可以是現象、理由、影響、故事甚至只是一句話，搞笑、漫畫、照片、唱歌、跳舞，什麼形式都可以！
2. 寫完之後，請繼續點出六位blogger，到對方家留言通知，把題目繼續傳遞下去；被點中的blogger必須再點選六位blogger，如此論推.... ，記得，在你自己的文章最後，要宣告自己點選了哪六位幸運兒，並附上這六位的blog連結。
3. 最後，記得使用引用功能，把你的這篇文章，引用回當初點名你的人的那篇文章。
(閱讀全文)某星期六既半夜一點幾，正係夜深人靜之時，三姑因為唔知整乜傢伙突然好想食金華火腿。你知喇！金華火腿唔係話一打開個雪櫃就有得食架嘛！所以搞到成晚囉囉孿。惟有走去各大Blog到遊唻遊去，諗住分散吓 d注意力咁囉！就係我聚精會神咁睇緊野既時候……突然陰風陣陣，吹到人地d頭髮尾陣陣涼，重起晒雞皮添！呀~~ !>﹏<跟住居然就 聽到d“啲啲咑咑”嘅聲音由個手袋嗰度傳出唻~~~！係.........係中樂『鸞鳳和鳴』呀~~！！唔.....係.....掛？！！咁夜點會..........重有人call我架？！！（無錯，『鸞鳳和鳴』就係三姑既手機來電音樂。嘻嘻嘻！）
三姑：「喂？」
姣婆四：「喂？三姑呀？我係姣婆四呀！我同帶銀依家係尖咀，個死帶銀貓左呀，我搞佢唔掂，你嗱嗱林落唻幫拖喇！」
三姑：「有無搞錯呀？頭先唔係係銅鑼灣架咩？做乜鬼我一走左你地會走鬼左去尖咀架？」
姣婆四：「咪問咁多喇！快d落唻先講喇！快呀！」啪！……
嘟嘟…嘟嘟…
姣婆四：「喂！點呀？做乜重唔即刻出門口呀？死人頭！快d喇！！」
三姑：「依家快你老味咩！尖咀邊度至得架？仆街！」
姣婆四：「咦？乜無講到咩？sorry囉!哈哈哈！係xxx呀！有咁快得咁快喇，唔該！」
三姑：「真係好鬼煩！依家咪坐火箭唻囉！妖！！」
