香港新浪網 MySinaBlog
sillywong | 23rd Jul 2008 | 大笑姑婆日誌 | (838 Reads)

MySinaBlog三週年連環踢

哈~~勢估唔到,落晒閘、放晒狗噉,都會俾人踢得中咕喎?!!
既然唔中都俾人鑑生踢中左咯!噉.............
Kennes:妳到底諗住幾時至捨得接我過門呀??emotion

 (閱讀全文)

sillywong | 7th Dec 2007 | 講東講西 | (1052 Reads)

Preview

各位老友:

有時間o既話,不妨買張飛奉o下李龍先生場o丫~

此君能文能武,唱做俱佳。包冇介紹錯架~

唉喲~撗掂都係咯!唔差在話埋俾大家知..........我查實呢.....暗戀o左佢好耐架喇!emotion大家重係街坊街里添!我周不時落街都會撞到佢架!不過唔知點解??一見到佢我就會嚇到即刻耷低頭,冇鞋挽屐架喇!哈哈哈哈哈~ ^口^

 

 

 


sillywong | 26th Nov 2007 | 大笑姑婆日誌 | (953 Reads)

大家好~ ^0^

吔咗飯未呀?吔咩餸呢?冇鯁親吖嗎?^皿^

嗱~我咁鬼好口,一唻就淨係掛住嗱嗱聲問候咁多位老細嘞!噉就算咁耐至捨得死出唻貼文,你哋都唔得鬧人哋架!emotion

 

 (閱讀全文)

sillywong | 27th Aug 2007 | 一般 | (1106 Reads)

昨日,本人非常之咁乖,重鬼死咁勤力,響豎係噉篤、係噉篤........一心諗住嗱嗱聲出番篇似樣啲嘅文
,唻充撐吓呢個日暮途窮嘅波嘅。當然,我所謂似樣啲嘅文,喺各位才子、才女眼中,都絕對係唔會似樣架啦!張就吓啦~唔該~~emoticon

唉~點知始終都係力薄才疏,篤唻篤去,都係得嗰啲咁多字。emoticon想話又出番上、中、下篇嗰槓嘢啦,不過又好似唔多老泥噉!成鬼日都爛尾吖!所以呢,呢舖決定一炮過!篤唔晒就寧願唔出罷就!無謂再揼大家波鐘嘞!出得唻寫波,點可以鑊鑊都咁冇手尾;咁唔爭氣架?!!雖然你哋唔好意思兜口兜面話我啫,查實我都知自已係幾咁冇厘搭霎架喇!emoticon

嗱!文就正在制作中架嘞!既然未有得睇住,就睇住告白先啦~~emoticon

 (閱讀全文)

sillywong | 24th Aug 2007 | 講東講西 | (997 Reads)

好嘞!炮仗燒完、神又拜過、pop又吞到悶晒!嘅然重有人咁俾面肯唻呢豎hea,噉我都重唔寫?!!重算係人唻咩?!!emoticon

開波啦喂~~ q(^口^)p

 (閱讀全文)

sillywong | 23rd Aug 2007 | 大笑姑婆日誌 | (886 Reads)
霹靂啪嘞霹靂啪嘞霹靂啪嘞霹靂啪嘞霹靂啪嘞霹靂啪嘞霹靂啪嘞嘞嘞嘞嘞嘞!!!! (閱讀全文)

sillywong | 17th Jan 2007 | 大笑姑婆日誌 | (1815 Reads)

各位親愛的看官:

玆因家中愛犬病入膏肓,行將入木,本姑終日以淚洗臉,實無心戀戰波壇矣!emoticon待來日雌風重振,定必從出江湖,再次在此興風作浪,亂噏無謂。emoticon

珍重

薄命人留字 T◇T

AAAAAAAA咪行住!>口<

啫係呢emoticon……如果各位真係掛得我好緊要嘅話emoticon……唔……一係噉啦!每人損五舊水落去我個《三姑安慰基金》戶口啦!我響豎話過:emoticon只要一夠五皮嘢!無論幾傷心、幾難過!我都即刻喊住唻寫,重保証會寫得同以前一樣咁九唔搭八添!

吓?唔好去搶?!噉如果你哋肯損嘅,我就梗係唔使去搶啦~你估家吓絲襪平咩?!!啋我都傻?!!唉!所以話呢:自古波場無真愛!線把啦~~我都睇到化!

你哋話死唔死吖?!!到咗呢個斷腸時候,我重響豎懶幽默噉同大家開玩笑!唉……真係冇血性……emoticon

後會有期

薄命人又再留字

 (閱讀全文)

sillywong | 2nd Nov 2006 | 大笑姑婆日誌 | (2301 Reads)
上個禮拜,我同咗我個好姊妹,呀大波蓮又試走咗去中環Clubbing。emoticon (閱讀全文)

sillywong | 1st Nov 2006 | 大笑姑婆日誌 | (1054 Reads)
Sina testing

sillywong | 31st Oct 2006 | 大笑姑婆日誌 | (1083 Reads)

sina testing


sillywong | 28th Oct 2006 | 大笑姑婆日誌 | (1483 Reads)
喂喂喂!中頭獎呀我!!!!^口^
 (閱讀全文)

sillywong | 14th Aug 2006 | 三姑小事化大篇 | (1813 Reads)

撞鬼囉!emoticon原來對上嗰篇【羞家】已經係喺六月寫咕lu喎!唔知大家重記唔記得係講啲乜家伙嘅呢?

冇~~我想話睇吓可唔可以則則膊唔多覺噉,唔使繼續寫啫~~emoticon事關我自已都已經唔鬼記得晒寫過啲乜?!!emoticon你知啦~都隔咗咁鬼耐~洩咗度氣呀嘛!連“348”都執鬼埋咯!重“蛇乜鬼嘢腰火玫瑰吖”~~真係有啲老鼠拉龜,冇掟埋手嘅感覺添!!emoticon哈哈!emoticon

哎吔~~算把喇!反正成個故仔,除咗“羞家”呢兩隻字係堅嘅之外,其他嘢都係老作嘅!(嗱,唔好話我知真係有人咁笨實,走去旺角搵呀《旺角蛇腰火玫瑰》呀吓,黐孖筋o架?!!哈哈哈哈!XDDDD)是鬼旦啦~~第三集,去片!!!>O<

 (閱讀全文)

sillywong | 8th Aug 2006 | 大笑姑婆日誌 | (1447 Reads)

潛咗水咁耐,估唔到大家依然冇忘記到我呢條茂利。

嗚哇!!!emoticon好鬼死感動呀!!!emoticon係真o架!若然講親大話嘅話,就保佑我生仔冇屎窟!生女就有兩個屎窟!!emoticon嗱~連啲咁毒嘅誓我都發得出,就知我真係好感動啦!話時話,我真係一路打一路起雞皮o架~emoticon

如果唔係全靠呀譚劍篇『特別新聞報導--三姑下落』,我都唔知原來大家重對本人嘅死活咁有興趣!

好喇!!喺度講多次:

(勁大聲)>O<各位:我重未死呀!!依家重生勾勾噉喺度食緊薯片,飲緊可樂,打緊近況。講到話玩潛水呢家嘢lu喎……er……就唧係噉,一來,因為部衰電腦久唔久就同我扭屎窟花,分分鐘都會斷線,勁煩!二來,呢排天口“慶”呀!冇心機冇盛,咪嗦性匿埋算鬼數囉~~都係嗰句喇,寫波嘅嘢,冇糧出o架嘛!如果唔係為咗你哋咁捧場呀,我使乜好似依家咁辛苦,一隻手扶住條線,一隻手(指)喺度篤呀?!!喂!唔好忘記我重要用緊隻手唻攞薯片食o架嘛~搞到咁“呢hea”,你哋話有乜為嘞?!!呢~~咪為你哋囉!算係噉喇啩?!emoticon

話時話,你哋啲留言,我全部當係寶o架,冚辦爛睇晒!請大家繼續留言俾我,千其唔好咁孤寒,不過講到覆lu喎……唉!我盡量啦,事關真係好鬼論盡!我依家都已經就死得咁滯囉~~陰公!emoticon

Bye Bye~emoticon

 

 


sillywong | 3rd Jun 2006 | 三姑小事化大篇 | (2568 Reads)

各位觀眾:


唔經唔覺又試揼咗大家一輪波鐘,認真唔好意思呀~~

廢話唔多講喇!事關有篇更廢話嘅嘢等住大家睇呀!重唔行?!!

 

衰鬼三姑上 emoticon

 

 (閱讀全文)

sillywong | 20th May 2006 | 三姑小事化大篇 | (2118 Reads)

嘟嘟嘟嘟…… 一則特別新聞報導:emoticon

 (閱讀全文)

sillywong | 7th May 2006 | 講開又講 | (3254 Reads)

茂利:唔該~我想電髮呀!^o^

中坑:無問題!呢位老細請坐!

茂利:聽講你呢度二佰蚊全包咕喎!hea?

中坑:係、係、係!放心,包唔會屈你俾貼士嘅~定喎!不過一陣整得你鬼火咁靚,你就自然會俾架啦!哈哈哈!

茂利:得我歡心就梗有貼士啦!嗱,你千其咪俾支舊藥水我吖~

中坑:得、得、得!唔使慌喎!

茂利:實不相瞞,過兩日我有個好重要嘅聚會呀!所以呢舖要有咁潮得咁潮,嗱,呢趟靠你喇~嗱嗱聲幫我電番個“無敵潮爆情場鬼見愁”Look!Ok?

中坑:你孖我定!呢隻look我至耍家啦~~坐穩呀,老細!^O^

 (閱讀全文)

sillywong | 22nd Mar 2006 | 大笑姑婆日誌 | (3573 Reads)

致各位老細:

由於呢幾日唔知整乜鬼,情緒異常低落,連最鐘意食嘅咖哩魚蛋都只係可以一口氣連隊六串。(星期一晚真係買左八串番唻食架,點知食左六串已經鯁唔落嘞!emoticon)平時明明可以 一日笑到黑架嘛!呢幾日最多都係笑左大半日啫!(應該連瞓教都會笑醒架嘛!呢幾日居然無喎?!!>o<)所以實在係無心機打文章,成日要你地摸門釘真係唔好意思。歉甚!歉甚!

為左可以快d回魂,我決定要上天山,採雪蓮。emoticon

各位等我呀!唔好咁快變心唔搔我三姑呀!

(話時話,吞pop咪吞pop囉!可?講咁多廢話!!哈哈哈哈!XD)


sillywong | 14th Mar 2006 | 一般 | (2793 Reads)

各位掌門請注意:由於今次武林大會參賽人士眾多,有早唻、遲唻;有早撇、遲撇。為免到時產生混亂,係呢度我三姑一於先小人就後君子喇!麻煩咁多位係入場嘅時候,先擺底公價人情$250過我先!大戰過後,再多除少補。吓?咁即係信你地唔過?超!!講明就噚喇!自已老豆我 都唔信呀信你?哼!XD(就係你班茂利唱到忘晒形嘅時候,我重唔契弟走得麼咩!嘩哈哈哈哈哈!我呢次重唔發?!!emoticon

有關於第二屆新浪武林大會嘅時間、地點,經過連日唻嘅投票,結果已經有嘞!登登登....無錯就係眾望所歸嘅Neway CEO嘞!請鼓掌!

各位今次真係有福嘞,事關有位俠女呀Van突然無條件地出手相助,依家起碼都有八五折,可能唔止架!只要到時有人肯犧牲吓色相呢啲噉嘅濕碎野,分分鐘又食又拎添呀!哈哈哈哈!emoticon(犧牲色相可以有更多著數呢d野,純粹係我三姑自已估架啫,絕對與呀Van無關嘅,ok?>v<)

Neway ceo座落於銅鑼灣糖街2-8號地下,電話:21379777
當日由17:30開始入場,係用我“三姑”個大寶號留房嘅。

本來就想用email唻通知大家嘅,但係就有人唔生性,到依家都未留低個電郵地址俾人呀!我見橫掂都係咯,咪索性貼出唻公告天下算鬼數囉!嗱,唔該咁多位少爺、小姐,到時千其咪放飛機呀!多謝合作。emoticon

想睇清楚參賽者名單嘅,就click一click《呢度》喇!emoticon

 (閱讀全文)

sillywong | 10th Mar 2006 | 一般 | (2531 Reads)

10/3 23:30更新。

早兩日先俾小魚監生伸左一腳,都未趕得切還拖,今日又俾Bee整多一野!嘩!內傷喇!!好鬼痛呀!!emoticon噫~~都無d憐香惜玉嘅!好衰架!!>O<
都好,噉就依家一次過搞掂呢兩條爛賬喇!emoticon
弊家伙!唔係好識點用d乜鬼野「連結」、「引用」添!emoticon即管試吓喇!

遊戲規則 (以下請copy)

1.  請先發文,寫出六項您認為的『部落格有啥了不起?』可以是現象、理由、影響、故事甚至只是一句話,搞笑、漫畫、照片、唱歌、跳舞,什麼形式都可以!

2.  寫完之後,請繼續點出六位blogger,到對方家留言通知,把題目繼續傳遞下去;被點中的blogger必須再點選六位blogger,如此論推.... ,記得,在你自己的文章最後,要宣告自己點選了哪六位幸運兒,並附上這六位的blog連結。

3.  最後,記得使用引用功能,把你的這篇文章,引用回當初點名你的人的那篇文章。

 (閱讀全文)

sillywong | 7th Mar 2006 | 一般 | (2577 Reads)

有關十八日呢次武林大會既地點,有兩個選擇俾大家:

1.銅鑼灣ceo搵間party房,由18:00開始一路唱到嘔為止,包Buffet連兩杯飲品,預計都要每人二佰幾。

2.銅鑼灣某上樓Club,可唱K,包場任飲,無野食,18:30 to 00:30男:$280,女:$200。

唔該大家拍硬檔,星期日前決定去唔去。

多謝合作!emoticon

去嘅話,唔該順手留低幾條腳毛..........哎呀!唔係!唔係!係電郵地址至真!哈哈哈!emoticon


Next